پنجگور میں انٹیلی جنس بیسڈ آپریشن، دہشتگرد چاکر لیاقت مارا گیا

20/21 مارچ 2024 کی رات کو، سیکورٹی فورسز نے ضلع پنجگور میں انٹیلی جنس بیسڈ آپریشن (IBO) کیا۔

پاک فوج کے شعبہ تعلقات عامہ ( آئی ایس پی آر) کے مطابق آپریشن کے دوران سکیورٹی فورسز نے دہشت گردوں کے ٹھکانے کا موثر انداز میں پتہ لگایا اور اس کے نتیجے میں دہشت گرد چاکر لیاقت کو جہنم واصل کر دیا گیا، جب کہ دو دہشت گرد زخمی ہوئے۔

مارے گئے دہشت گرد کے قبضے سے اسلحہ اور گولہ بارود بھی برآمد ہوا، جو دہشت گردی کی متعدد کارروائیوں میں سرگرم رہا۔

علاقے میں پائے جانے والے کسی بھی دوسرے دہشت گرد کو ختم کرنے کے لیے سینیٹائزیشن آپریشن کیا جا رہا ہے کیونکہ پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔