دنیا
افغان طالبان نے بند امیر نیشنل پارک میں خواتین رینجرز کو برطرف کر کے داخلے پر پابندی لگادی
افغانستان کا بند امیر نیشنل پارک ملک کی پہلی خاتون پارک رینجرز کو ملازمت دینے کے لیے جانا جاتا تھا۔ اب، خواتین کو وہاں جانے کی اجازت نہیں ہوگی، وہاں کام کرنے کی اجازت بھی نہیں ہوگی۔
افغانستان کے وزیر برائے فروغِ فضیلت محمد خالد حنفی نے اعلان کیا کہ خواتین اب اس مقبول نیشنل پارک کا دورہ نہیں کر سکیں گی، جو وسطی صوبہ بامیان میں واقع ہے۔
2019 میں مقامی افغان حکومت کی طرف سے یو ایس ایڈ اور اقوام متحدہ کے ترقیاتی پروگرام سمیت متعدد بین الاقوامی ایجنسیوں کے تعاون سے قائم کیا گیا، اس پارک کو پہاڑوں سے گھری گہری نیلی جھیلوں کے ساتھ ایک پرامن نخلستان سمجھا جاتا تھا۔
ہیومن رائٹس واچ میں خواتین کے حقوق کی ایسوسی ایٹ ڈائریکٹر ہیدر بار نے پیر کو ایک بیان میں کہا کہ یہ پابندی ظاہر کرتی ہے کہ افغانستان میں کس طرح خواتین کو دیواروں میں بند کیا جا رہا ہے، لڑکیوں اور خواتین سے تعلیم، روزگار اور آزادانہ نقل و حرکت سے چھین کر بھی طالبان مطمئن نہیں، طالبان ان سے پارکس اور کھیل کے بعد اب فطرت بھی چھیننا چاہتے ہیں۔ قدم قدم پر دیواریں خواتین پر سمٹ رہی ہیں کیونکہ ہر گھر جیل بن گیا ہے۔
بامیان صوبہ ایک بڑی شیعہ مسلم اقلیت کا گھر ہے اور 1990 میں یہ خانہ جنگی اور اس کے نتیجے میں طالبان کے عروج کے دوران خوفناک قتل عام کا مقام تھا۔
یہ کبھی چوتھی اور پانچویں صدیوں میں ترقی پذیر بدھ تہذیب کا مرکز بھی تھا۔ لیکن مارچ 2001 میں، طالبان نے بامیان میں بدھا کے دو بڑے مجسموں کو تباہ کر دیا جو کہ 1500 سال سے زیادہ عرصے سے بغیر کسی رکاوٹ کے کھڑے تھے۔
اگست 2021 میں ملک کا دوبارہ کنٹرول سنبھالنے کے بعد سے طالبان نے انسانی حقوق کے حوالے سے ملک کو کئی دہائیاں پیچھے دھکیل دیا ہے اور زیادہ تر روزگار اور تعلیم پر پابندی کے ساتھ، خواتین زیادہ تر اپنے گھروں تک محدود ہیں۔
-
کھیل12 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین5 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
پاکستان5 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
ٹاپ سٹوریز5 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
پاکستان6 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی