ورلڈ کپ کے لیے قومی سکواڈ کا اعلان تاخیر کا شکار، ذکا اشرف کارکردگی پر سلیکشن کے خواہاں

پاکستان کرکٹ کے ورلڈکپ اسکواڈ کا اعلان تاخیر کا شکار ہوگیا۔ ذرائع کا کہنا ہے کہ قومی ٹیم کے ورلڈکپ اسکواڈ کے حوالے سے مشاورات آخری مراحل میں داخل  ہو گئی۔قومی ورلڈکپ اسکواڈ کا اعلان آج یا کل کیا جائے گا۔

کل پی سی بی کا ایشیاءکپ میں قومی ٹیم کے پرفارمنس ریویو اجلاس ہوا۔۔ اجلاس کی صدارت سربراہ پی سی بی منیجمنٹ کمیٹی ذکا اشرف نے کی۔ کپتان بابر اعظم ڈاٸریکٹر کرکٹ مکی آرتھر کوچ بریڈ برن ویڈیو لنک پر اجلاس کا حصہ بنے۔

سلیکشن کمیٹی سمیت کرکٹ اور ٹیکنکل کمیٹی کے ارکان بھی اجلاس میں شریک تھے۔ ذرائع کے مطابق بابر اعظم سے اجلاس میں پوچھا گیا کہ کہاں غلطیاں ہوئیں اور انہیں کیسے ٹھیک کیا جا سکتا ہے؟۔

ذرائع کا کہنا ہے کہ فاسٹ باولنگ کوچ نے شاداب خان کی باولنگ میں بہتری لانے کے لیے سپین باولنگ کوچ رکھنے کا مشورہ دیا۔

ذرائع کا کہنا ہے کہ ذکا اشرف کھلاڑیوں کی کارکردگی کی بنیاد پر ورلڈ کپ کے لیے ٹیم سلیکٹ کرنے کے خواہش مند ہیں۔