ڈاکوؤں کے پاس اینٹی ایئر کرافٹ کا پروپیگنڈا پاکستان کو مہنگا پڑ گیا، انٹرنیشنل ٹرانسپورٹ اتھارٹی نے فضائی حدود غیرمحفوظ قرار دیں

ڈائریکٹرجنرل سول ایوی ایشن اتھارٹی خاقان مرتضیٰ نے کہا ہے کہ سندھ کے کچے میں اینٹی ایئر کرافٹ میزائل کی سوشمل میڈیا افواہوں سے پاکستانی فضائی حدود کیلئے سنگین مسائل پیدا ہوئے ،اینٹی ائیرکرافٹ میزائل کی مبینہ موجودگی ایاساکی فضائی ایڈوائزری کا باعث بنیں۔

ڈی جی سی اے اے خاقان مرتضیٰ کے مطابق سوشل میڈیا اوردیگرپلیٹ فارمزپرسندھ کے کچے کے ڈاکوؤں کی وائرل تصاویرجن میں ان کے ہاتھوں میں بھاری اسلحہ حتیٰ کہ اینٹی ائیرکرافٹ گنزسنگین صورتحال کا سبب بنی،حالانکہ ان میں سے کچھ تصاویرکافی سال پرانی تھیں،ان خبروں کو جواز بناکر یورپین ایوی ایشن سیفٹی ایجنسی(ایاسا) نے پاکستان کی فضائی حدود میں اڑنے والی پروازوں کیلئے ایڈوائزری جاری کی۔

ڈی جی سی اے اے کے مطابق پاکستانی فضائی حدود کی ایڈوائزری پر سی اے اے نے یورپ سے اعلی سطح پر رابطہ کیا کیونکہ ایڈوائزری زمینی حقائق کی مکمل عکاسی نہیں کرتی،اس پرانھیں آگاہی دی گئی،ایاسا کو یہ بھی باورکروایاگیا کہ پاکستانی حدود کی فضائی ایڈوائزری عجلت میں جاری کی گئی اورایاسا ایڈوائزری ملکی ایوی ایشن پرانتہائی منفی اثرات کا باعث بن سکتی ہے۔

خاقان مرتضیٰ کا مزید کہناہے کہ نئی ایڈوائزری میں برطانیہ کی سابقہ ایک ایڈوائزری کا حوالہ دیا گیا،انھیں اس بات کی آگاہی دی گئی کہ برطانوی فضائی ایڈوائزری کے باوجود برطانیہ سے پروازیں پاکستان آرہی تھیں،ایاسا کی جانب سے مذکورہ معاملے پریہ موقف اختیار کیاگیا کہ پاکستانی فضائی حدود میں ایک مخصوص بلندی پرپروازوں کو فضائی آپریشن کے لیےجاری ایڈوائزری پاکستانی میڈیا میں اینٹی ائیرکرافٹ اسلحے کی رپورٹس کے باعث جاری کی گئی۔