اینٹی نارکوٹکس فورس نے منشیات سمگلنگ میں ملوث بین الصوبائی گروہ گرفتار کر لیا

اینٹی نارکوٹکس فورس نے 7 رُکنی بدنام زمانہ  بین الصوبائی منشیات اسمگلنگ  گینگ سربراہ سمیت گرفتار کرلیا۔

ترجمان کے مطابق اینٹی نارکوٹکس فورس نے ایک اور بڑی کارروائی کی،جس کے دوران 7 رُکنی بدنام زمانہ بین الصوبائی منشیات اسمگلنگ  گینگ سربراہ سمیت گرفتار کرلیا،اللّٰہ نور نامی منشیات اسمگلر گروہ کا سربراہ ہے۔

گروہ موٹروے کے ذریعے بین الصوبائی منشیات اسمگلنگ میں ملوث ہے، جامع منصوبہ بندی کے بعد کاروائیاں عمل میں لائی گئیں،کارروائیوں کے دوران پہلے گروہ کے چھ ارکان کو گرفتار کیا گیا۔

ان کاروائیوں  کے دوران 419  کلوگرام منشیات برآمد کی گئیں، منشیات میں چرس اور افیون شامل ہیں،اے این ایف نے 18 نومبر 2023 کو گروہ کے سرغنہ، اللّٰہ نور کو بھی گرفتارکیا۔

دورانِ گرفتاری ، ملزم اللّٰہ نور سے  مزید 12 کلوگرام چرس  برآمد  کی گئی،اللّٰہ نور گینگ کی گرفتاری اے این ایف کی ایک نہایت اہم کامیابی ہے۔