ملک کے ساتھ اچھا سلوک نہیں کیا جا رہا، فیصلے دینے والوں کو سوچنا ہوگا، نواز شریف

مسلم لیگ (ن) کے قائد نواز شریف نے سپریم کورٹ آف پاکستان کا نام لیے بغیر کہا ہے کہ ملک کے ساتھ اچھا سلوک نہیں کیا جا رہا ہے، ترقی کرتا ہوا ملک گڑھے میں گرا دیا گیا، فیصلے دینے والوں کو اب بھی سوچنا ہوگا۔

لاہورمیں ایک اجلاس کی صدارت کرتے ہوئے نواز شریف نے کہا کہ عوام کی پرواہ کریں، ریلیف کیلئے جو بھی کرنا پڑتا ہے کریں۔

انہوں نے کہا کہ موجودہ حالات میں بجلی کابل کوئی بھی ادانہیں کرسکتا، بجلے کا بل ہرایک کیلئےمصیبت بن چکا، ہم نےاپنے دور میں لوڈشیڈنگ ختم کی اورنرخ کنٹرول کیا، 2017تک بجلی کے بل کم اورڈالرکا نرخ نیچے تھا۔

ان کا کہنا تھا کہ 2018 سےنظر لگی اورغریب پس کر رہ گیا، سڑک پر پھرتے شخص کو کہا گیا آؤ ہم تمہیں انصاف دیں، پوچھتا ہوں ملک کےساتھ ظلم کرنےکی ضرورت کیاہے۔

نواز شریف نے کہا کہ ہم نے آئی ایم ایف کو واپس بھیج دیا تھا، بعد میں آئی ایم ایف کو کون لایا سب کو پتہ ہے، ملک کے ساتھ اچھا سلوک نہیں کیا جا رہاہے، ترقی کرتا ہوا ملک گڑھے میں گرا دیا گیا، فیصلے دینے والوں کو اب بھی سوچنا ہوگاْ