لاہور بار نے عدالتوں میں پولیس کا داخلہ بند کر دیا

لاہور بار ایسوسی ایشن نے  وکلاء کے خلاف کارروائیوں کے باعث ماتحت عدالتوں میں لاہور پولیس کا  داخلہ بند کرنے کا اعلان کردیا۔۔صدر لاہور بار کا کہنا ہے آج  سے لاہور پولیس کے کسی اہلکار کو عدالت میں داخل نہیں ہونے دیں گے۔

وکلا نے پولیس ملازمین کے ساتھ ساتھ سائلین کا بھی عدالتوں میں داخلہ بند کر دیا ہے، سائلین کو عدالت کے اندر نہیں جانے دیا جا رہا۔

سائلین کو اپنے کیسوں میں ہیش ہونے کیلئے مشکلات کا سامنا ہے، صدر لاہوربار کا کہنا ہے کہ آج  سے لاہور پولیس کے کسی اہلکار کو عدالت میں داخل نہیں ہونے دیں گے، پولیس حکام سے مطالبہ کیا ہے کہ وکلاء کے خلاف کارروائیاں روکی جائیں،گھروں پر چھاپے مارنے اور ہراساں کرنے سے روکا جائے۔