لاہور ہائیکورٹ نے حکام کو فواد چوہدری کے خلاف تادیبی کارروائی سے روک دیا

لاہور ہائیکورٹ نے سابق وفاقی وزیر فواد چوہدری کی جے آئی ٹی کے نوٹس کیخلاف درخواست پر تادیبی کاروائی سے روکتے ہوئے متعلعہ حکام کو نوٹسز جاری کر دیئے ہیں۔

لاہور ہائیکورٹ کے جسٹس شہرام سرور کی سربراہی میں دو رکنی بنچ نے فواد چوہدری کی درخواست پر سماعت کی جس میں جے آئی ٹی کے نوٹسز کو چیلنج کیا گیا. سابق وزیر فواد چوہدری عدالت میں پیش ہوئے. دو رکنی بنچ نے استفسار کیا کہ دوسرے بنچ میں کونسی درخواستیں زیر سماعت ہیں. وکیل نے بتایا کہ ویڈیو لنک کے ذریعے پیشی کی تھی جو درخواست خارج ہوگئی ہے.

دو رکنی بنچ نے وکیل سے پوچھا کہ جے آئی ٹی کن مقدمات میں بنی ہیں؟ وکیل نے بتایا کہ فواد چوہدری کیخلاف 36 مقدمات درج تھے اور ان سے اڈیالہ جیل میں ریمانڈ نہ تفتیش کی گئی اور مقدمے میں گرفتاری نہیں ڈالی. درخواست آئندہ سماعت عید کے بعد ہوگی.