وزارت خارجہ نے سیاسی بنیادوں پر تعینات سفیروں سے متعلق وزیراعظم سے ایڈوائس مانگ لی

سیاسی بنیادوں ہر تعینات سفیروں کا مستقبل کیا ہوگا؟ دفترخارجہ نے وزیراعظم شہباز شریف سے ہدایات مانگ لیں۔

ذرائع کے مطابق دفتر خارجہ نے وزیراعظم شہباز شریف کو باضابطہ خط لکھ دیا، خط میں سیاسی بنیادوں پر تعینات سفرا کے حوالے سے ہدایت مانگی گئی ہے۔

ذرائع کا کہنا ہے کہ واشنگٹن میں تعینات مسعود خان کا 2 سالہ کنٹریکٹ اسی ماہ ختم ہوچکا، نیویارک میں مستقل مندوب منیراکرم بھی سیاسی تعیناتی میں آتے ہیں۔

ذرائع کے مطابق امریکا، اقوام متحدہ، ترکی، سری لنکا اور اردن وغیرہ میں سیاسی تعیناتی والے سفراء موجود ہیں، قوانین کے مطابق نئی حکومت آنے پر سیاسی بنیادوں پر تعینات سفرا کوعہدہ چھوڑنا ہوتا ہے۔