وزیراعظم ڈپٹی کمشنرز کی طرف سے نظربندی احکامات کی تحقیقات کرائیں، اسلام آباد ہائیکورٹ

ڈپٹی کمشنر اسلام آباد کو توہین عدالت کیس میں سزا کا تحریری فیصلہ جاری کردیا گیا،اسلام آباد ہائی کورٹ کے جسٹس بابر ستار نے 92 صفحات پر مشتمل تحریری فیصلہ جاری کیا۔

عدالت نے تحریری حکم  نامہ میں کہا کہ وزیراعظم ملک بھر کے ڈپٹی کمشنرز کی جانب سے ایم پی او آرڈرز کے اجرا کی تحقیقات کرائیں،اس بات کی تحقیقات کی ضرورت ہے کہ کیا ایم پی او کے تحت نظربندی احکامات  کے لیے کوئی پالیسی موجود تھی؟کیا ایم پی او آرڈرز آئین، قانون اور عدالتی احکامات کے خلاف منظم انداز میں جاری کیے گئے؟تحقیقات کرائیں کہ کیا ایم پی او آرڈر کسی غیر قانونی احکامات کی بنیاد پر جاری کیے گئے؟اگر ایسا ہے تومناسب اقدامات کر کے یقینی بنائیں کہ ریاست کو منتخب عوامی نمائندوں کے ذریعے چلایا جائے۔

عدالت نے فیصلے میں کہا کہ اس بات کی تحقیقات کی ضرورت ہے کہ کیا ایم پی او کے تحت نظربندی احکامات  کے لیے کوئی پالیسی موجود تھی؟کیا ایم پی او آرڈرز کو شہریوں کے بنیادی حقوق کو پامال اور عدلیہ کے وقار کو مجروح کرنے کے لیے استعمال کیاگیا؟