گورنمنٹ کالج یونیورسٹی لاہور کے طلبہ نے امریکی قونصلیٹ کا کنسرٹ منسوخ کرادیا

گورنمٹ کالج یونیورسٹی لاہور (جی سی یو) میں پروگریسو سٹوڈنٹس کلیکٹو کے طلبا و طالبات کا کہنا ہے کہ انہوں نے کیمپس میں امریکی قونصلیٹ کے زیر اہتمام کنسرٹ کی تقریب منسوخ کرادی جس کے بعد انہیں انتظامیہ کی جانب سے شدید دباؤ کا سامنا ہے۔

پروگریسو سٹوڈنٹس کلیکٹو (پی ایس سی) کے ایکس اکاؤنٹ پر متعدد ویڈیوز شیئر کی ہیں جس کے مطابق یونیورسٹی میں امریکی قونصلیٹ کے زیر اہتمام پرفارم کرنے والے بینڈ ’ریننگ جین‘ کے خلاف احتجاج ریلی نکالی اور انہیں یونیورسٹی کے نکل جانے پر مجبور کردیا گیا۔

Happening right now at GCU Lahore, the Progressive Students’ Collective (PSC) organized a protest against the band "Raining Jane” performing on campus whose visit was and is sponsored by the US Consulate. The students rallied against their visit, resulting in the band and their + pic.twitter.com/VM1hTEFkty

— Progressive Students’ Collective (@PSCollective_) May 2, 2024

پی ایس سی کے مطابق اس احتجاج کو فلسطین کی حمایت اور اسرائیل کی نسل کشی کے لیے امریکی فنڈنگ ​​کے خلاف منظم کیا۔ پی ایس سی کے مطابق مذکورہ احتجاج کے بعد انہیں یونیورسٹی انتظامیہ کی جانب سے شدید دباؤ اور کریک ڈاؤن کا سامنا ہے۔

پی ایس سی کے مطابق احتجاجی شرکا سے اسٹامپ پیپر پر معافی مانگنے پر زور دیا جارہا ہے جبکہ طلبا اپنے موقف پر ڈٹے ہوئے ہیں۔ علاوہ ازیں طلبا کے اسٹوڈنٹ کارڈز ضبط کر لیے گئے ہیں اور اب انہیں دھمکیاں دی جا رہی ہیں۔