آخری اوور کی بیٹنگ میں ہارٹ اٹیک کا خطرہ رہتا ہے، نسیم شاہ

افغانستان کے جبڑوں سے تاریخی جیت چھیننے والے نسیم شاہ کہتے ہیں انہیں فتح کا یقین تھا۔

پاکستان کرکٹ بورڈ کی جانب سے جاری ویڈیو میں قومی کرکٹ ٹیم کے پیسر  نسیم شاہ نے مزاحیہ انداز میں کہا ہے کہ سنسنی خیز میچز کے آخر میں بیٹنگ کرنے سے مجھے ہارٹ اٹیک کا خطرہ رہتا ہے۔

دوران ویڈیو گفتگو کرتے ہوئے انہوں نے کہا کہ میں مشکل صورتحال میں خود پر یقین رکھتا ہوں، جب میں کھیلنے گیا تب شاداب کریز پر تھے اور یقین تھا وہ میچ ختم کریں گے۔

Such chases not for the faint-hearted 😅

🗣️ @iNaseemShah the finisher on his splendid cameo last night 👏#AFGvPAK | #BackTheBoysInGreen pic.twitter.com/AUANuDjlWW

— Pakistan Cricket (@TheRealPCB) August 25, 2023

نسیم شاہ نے کہا کہ جب شاداب خان آؤٹ ہوئے تو میرے دل میں آیا وہی بولر ہے تو میں آج بھی میچ جتوا سکتا ہوں، خوشی کی بات ہے ہم میچ اور سیریز دونوں جیتے۔

انہوں نے مزید کہا کہ میں مسلسل بیٹنگ پریکٹس کرتا ہوں کیونکہ مجھے مشکل صورتحال میں بیٹنگ ملتی ہے۔

واضح رہے کہ گزشتہ روز نسیم شاہ ایک مرتبہ پھر افغانستان کے سامنے دیوار بن گئے تھے اور انہوں نے ذمے داری کے ساتھ بیٹنگ کرتے ہوئے پاکستان کو آخری اوور میں میچ جتوا دیا تھا۔