دو تہائی ڈیموکریٹ ووٹرز نے بائیڈن کو اگلی مدت صدارت کے لیے ناموزوں قرار دے دیا

جمعرات کو جاری ہونے والے سی این این کے ایک نئے سروے کے مطابق، ڈیموکریٹ پارٹی کی جانب جھکاؤ رکھنے والے ووٹروں میں سے دو تہائی نے کہا ہے کہ پارٹی کو صدر بائیڈن کو دوسری مدت کے لیے نامزد نہیں کرنا چاہیے۔

پارٹی میں بائیڈن کے بارے میں ناگواری بڑھ رہی ہے، کیونکہ پارٹی کے ووٹرز 80 سالہ بوڑھے کو ایک اور مدت صدارت دینے میں ہچکچاہٹ کا شکار ہیں۔

جب ڈیموکریٹس اور ڈیموکریٹک جھکاؤ رکھنے والے آزاد ووٹرز سے پوچھا گیا کہ پارٹی کو اپنے 2024 کے صدارتی امیدوار کے طور پر کس کو نامزد کرنا چاہئے، صرف 33 فیصد نے بائیڈن کا انتخاب کیا۔

67% نے کہا کہ وہ پارٹی کے نامزد امیدوار کے طور پر ایک مختلف امیدوار چاہتے ہیں۔

ڈیموکریٹ جھکاؤ رکھنے والے ووٹروں کی بھاری اکثریت جنہوں نے کہا کہ وہ بائیڈن کی دوسری مدت کے خلاف ہیں  میں سے 82 فیصد نے کہا کہ وہ "جو بائیڈن کے علاوہ صرف کوئی اور” چاہتے ہیں۔

ڈیموکریٹ جھکاؤ والے جواب دہندگان میں سے تقریبا نصف نے 2024 میں صدارتی امیدوار کے لیے بائیڈن کی عمر کو بڑی تشویش قرار دیا۔

ڈیموکریٹک ووٹروں میں سے 56٪ نے کہا کہ وہ "سنجیدگی سے فکر مند” ہیں کہ بائیڈن کی عمر ان کی "جسمانی اور ذہنی قابلیت کی موجودہ سطح” کو منفی طور پر متاثر کر سکتی ہے۔

 25-31 اگست کے درمیان 1,503 بالغوں کا سروے کیا اور اس میں +/- 3.5% کی غلطی کا مارجن ہے۔