الیکشن مہم کے دوران بلوچستان میں تشدد کی لہر، سب سے زیادہ حملے پیپلز پارٹی پر ہوئے، جانی نقصان پی ٹی آئی کی ریلی میں ہوا

انتخابی شیڈول کے اعلان کے بعد بلوچستان کے مختلف علاقوں میں امیدواروں کے گھروں اور دفاتر پر حملے ہوئے ۔ اب تک سب سے زیادہ حملے پیپلزپارٹی کے امیدواروں کے گھروں اور دفاتر پر ہوئے تاہم جانی نقصان تحریک انصاف کی ریلی میں ہوا۔

جناح روڈ سبّی پر تحریک انصاف ریلی کے موقع پر ہونے والے دھماکے میں چار افراد جاں بحق اور چھ زخمی ہوئے۔

بلوچستان کے مختلف علاقوں میں اب تک متعدد امیدواروں کے گھروں اور دفاتر پر حملے ہوئے ہیں۔

ضلع کیچ میں پیپلز پارٹی کے بلوچستان اسمبلی کے امیدواروں میر ظہور بلیدی اور میر اصغر رند کے گھروں پر دستی بموں سے حملے کئے گئے۔

کوئٹہ میں ،پیپلز پارٹی کے امیدوار علی مدد جتک کے دفتر پر دستی بم حملے میں تین افراد زخمی ہوئے ۔

خضدار میں بھی پارٹی کے امیدوار شکیل درانی کے گھر پر دستی بم سے حملہ کیا گیا ۔

ضلع کیچ میں نواز لیگ کے امیدوارمیر اسلم بلیدی بھی نامعلوم افراد کی فائرنگ سے زخمی ہوئے تھے۔

بلوچستان میں خاران اور تربت میں الیکشن کمشنر کے دفاتر پر بھی حملے ہوئے۔

تجزیہ کاروں کا کہنا ہے کہ ان حملوں سے انتخابی مہم کے ساتھ ووٹ پڑنے کی شرح بھی متائثر ہوسکتی ہے ۔