سینیٹ اجلاس سے خطاب کرنے والے دو اجنبی کون تھے؟

جام مہتاب اور نثار کھوڑو نے سینیٹ اجلاس میں شرکت کی حالانکہ دونوں کی نشستیں خالی قرار دی جاچکی ہیں۔

سینیٹ الیکشن شیڈول میں جام مہتاب اور نثار کھوڑو کی سینیٹ نشستیں خالی قرار دی گئی ہیں،دونوں اراکین نے سینیٹ میں اظہار خیال بھی کیا جبکہ الیکشن کمیشن نے سینیٹ کی 6 خالی نشستوں پر انتخابات کے شیڈول کااعلان کردیا ہے۔

جام مہتان اور نثار کھوڑو سینیٹ رکنیت سے استعفے اور نشستیں خالی قرار دیئے جانے کے بعد سینیٹ کے ایوان میں اجنبی ہیں۔ دونوں نے رکن سندھ اسمبلی منتخب ہونے کے بعد سینیٹ سے استعفے دیئے جو منظور ہو چکے ہیں۔

سینیٹ انتخابی شیڈول میں بھی یہ نشستیں خالی قراد دی گئی ہیں۔