بلوچستان میں وزیراعلیٰ کس کا ہوگا؟ مسلم لیگ ن اور پیپلز پارٹی کے 13، 13 ارکان برابر

بلوچستان میں حکومت سازی کا معاملہ دلچسپ صورتحال اختیار کر گیا، مسلم لیگ ن اور پیپلز پارٹی 13 کے، 13 ارکان براربر ہو گئے،دو آزاد ارکان کی آج شمولیت سے ن لیگ 11 سے 13 پر آگئی۔

مسلم لیگ (ن) کو بلوچستان اسمبلی کی مزید 2  نشستیں مل گئیں، مسلم لیگ (ن) کے صدر اور نامزد وزیراعظم شہباز شریف سے بلوچستان اسمبلی کے حلقہ پی بی 41 اور 51 سے آزاد حیثیت میں انتخاب جیتنے والے ولی محمد اور عبدالخالق خان نے ملاقات کی۔

دونوں نومنتخب ارکان اسمبلی نے ملاقات میں مسلم لیگ (ن) میں شمولیت کا اعلان کیا۔

مسلم لیگ ن اور پیپلز پارٹی کے درمیان مذاکرات میں فارمولا طے پایا تھا کہ جس پارٹی کے نمبرز زیادہ ہوں گے وزیر اعلیٰ اسی جماعت کا ہوگا۔

مسلم لیگ ن کی طرف سے وزارت اعلیٰ کے امیدواروں میں سابق سئینر وزیرعاصم گیلو اور جام کمال شامل ہیں۔

پارٹی صدر شہباز شریف سے صوبائی صدر جعفر مندخیل نے ملاقات کی اور بلوچستان میں حکومت سازی پر تبادلہ خیال کیا۔