فائر وال کی تنصیب پر کام جاری، سست انٹرنیٹ کی شکایات پر آف پیک آورز میں کام جاری رکھنے کی ہدایت

پاکستان میں فائروال کی اپ گریڈیشن پر کام تیزی سے جاری ہے۔پی ٹی اے ذرائع کے مطابق فائروال کے کچھ کمپوننٹ مقامی ہیں اور کچھ انٹرنیشنل گیٹ وے پر لگیں گے ۔سلو انٹرنیٹ کی شکایات کے باعث پی ٹی اے نے فائروال پر آف پیک آورز میں کام کرنے کی ہدایات جاری کردیں ۔ تمام ٹیلی کام آپریٹرز کے آلات ہم آہنگ نہ ہونے کی وجہ سے بھی تکنیکی مسائل پیدا ہورہے ہیں۔

ذرائع نے بتایا کہ پی ٹی اے کی ٹیکنیکل ٹیم کو ہدایت کی گئی ہے کہ محدود پیمانے پر چیکنگ کے بعد ہی بڑے پیمانے پر ٹرائل کیے جائیں۔

ذرائع کا کہنا ہے کہ ٹیلی کام کمپنیوں کے ایک دوسرے سے مختلف اور پرانے آلات فائروال کی اپ گریڈیشن میں مشکلات پیدا کررہے ہیں،تمام ٹیلی کام آپریٹرز کے آلات ہم آہنگ نہ ہونے کی وجہ سے بھی تکنیکی مسائل پیدا ہورہے ہیں۔

ذرائع نے کہا کہ کسی کمپنی کے آلات ، سسکو ، کسی کے ہواوے اور کسی کے زیڈ ٹی ای کے ہیں اس لیے کنفگریشن کے مسائل ہیں۔

پی ٹی اے ذرائع کا کہنا ہے کہ پہلی مرتبہ تکنیکی مسائل پیدا ہونا نارمل ہے ، قابو پالیا جائے گا۔