وزیراعلیٰ سندھ نے ارشد ندیم کو 5 کروڑ انعام دیا، گاڑیوں کے بھی تحفے

وزیراعلیٰ سندھ سے اولمپیئن ارشدندیم نے وزیراعلیٰ ہاؤس میں ملاقات کی۔مراد علی شاہ نے ارشد ندیم کو 5کروڑ روپے کا چیک انعام میں دیا۔وزیراعلیٰ سندھ نے ارشد ندیم کو سندھی اجرک، ٹوپی اور شیلڈ بھی دی۔وزیر بلدیات سعید غنی نے شہر کراچی میں سڑک کا نام ارشد ندیم رکھنے کا اعلان کیا۔وزیر کھیل محمد بخش مہر نے بھی اپنی طرف سے ارشد ندیم کو چیک پیش کیا۔صوبائی وزیر ناصر شاہ نے ارشد ندیم کی والدہ کیلئے گاڑی دینے کا اعلان کیا۔

ترجمان وزیراعلیٰ سندھ نے بتایا کہ صوبائی وزیر ناصر شاہ ارشد ندیم کو گھر سے لے کر آئے،وزیراعلیٰ سندھ سید مراد علی شاہ نے ارشد ندیم کو وزیراعلیٰ ہاؤس آمد پر استقبال کیا،وزیراعلیٰ سندھ نے صوبائی کابینہ کے اجلاس میں بریک کر کے ارشد ندیم سے ملے۔

وزیراعلیٰ سندھ سید مراد علی شاہ نے اولمپئین ارشد ندیم کو وزیراعلیٰ ہاؤس آنے کی دعوت دی تھی، ارشد ندیم نے کہا کہ وزیراعلیٰ سندھ نے پیرس میں گولڈ میڈل ملنے سے پہلے کال کر کے مبارک بناد دی تھی، مجھے آپ (وزیراعلیٰ سندھ) سے مل کر بہت خوشی ہوئی ہے۔

مراد علی شاہ نے کہا کہ چیئرمین بلاول بھٹو زرداری نے آپ کیلئے پیغام دیا ہے کہ آپ (ارشد ندیم) کو اگلے اولمپکس کے لئے ابھی سے تیاری کرنی ہے،ہماری 24 کروڑ آبادی ہے، 24 گولڈ میڈل ملک میں ہونے چاہئیں۔
وزیراعلیٰ سندھ سید مراد علی شاہ نے ارشد ندیم کے کوچ کے لیے بھی 5 ملین روپے دینے کا اعلان کیا اور کہا کہ سندھ حکومت ارشد ندیم کی بھرپور سپورٹ کرتی رہے گی۔

وزیراعلیٰ سندھ نے ارشد ندیم کو یقین دہانی کرائی کہ آپ صرف ایک فون کال کریں میں آپ سے بات کرونگا۔

انڈس موٹرز کے سی ای او علی اصغر جمالی نے ارشد ندیم کو گاڑی دینے کا اعلان کیا،سینئر صوبائی وزیر شرجیل انعام میمن نے ارشد ندیم کو کہا کہ آپ کو گاڑی کی رجسٹریشن کیلئے جو نمبر چاہئے وہ دینگے۔
وزیراعلیٰ سندھ سید مراد علی شاہ نے کہا کہ صوبائی وزیر ناصر حسین شاہ آپ (ارشد ندیم) سے رابطے میں رہیں گے۔
صوبائی وزیر ناصر شاہ نے ارشد ندیم کی والدہ کیلئے گاڑی دینے کا اعلان کیا،کھیلوں کے صوبائی وزیر محمد بخش مہر نے بھی ارشد ندیم کو خوش آمدید کیا اور کہا کہ میں ذاتی حیثیت میں بھی ارشد ندیم کیلئے انعامات کا اعلان کرچکا ہوں، محمد بخش مہر
میئر کراچی مرتضیٰ وہاب نے کہا کہ ارشد ندیم کے نام پر اکیڈمی قائم کرنے کا اعلان کیا ہے۔