پاکستان
پنجاب کے تمام تعلیمی بورڈز کے پوزیشن ہولڈرز کو انعامات دیے جائیں گے، وزیراعلیٰ پنجاب
وزیراعلیٰ پنجاب مریم نواز نے صوبے کے تمام تعلیمی بورڈ ز کے پوزیشن ہولڈرز طلبہ کو انعام دینے کا فیصلہ کیا ہے۔وزیراعلیٰ پنجاب کی ہدایت پر طلبہ کے ایک ایک ٹیچرکو بھی انعام دیا جائے گا،،25ہزار طلبہ کے تمام تعلیمی اخراجات حکومت پنجاب ادا کرے گی۔پنجاب کے 60گرلز کالجز کو پہلے مرحلے میں بسیں دی جائیں گی۔
حکومت پنجاب 25ہزار طلبہ کے تعلیمی اخراجات کیلئے سالانہ سوا سو ارب سے زائد ادا کرے گی،وزیراعلیٰ مریم نوازشریف کی ہدایت پر طالبات کیلئے ٹرانسپورٹ پروگرام کا آغاز کردیا گیا،پنجاب کے 60گرلز کالجز کو پہلے مرحلے میں بسیں دی جائیں گی۔
وزیراعلیٰ نے پنجاب کے تمام اضلاع میں آئی ٹی حب کے قیام کی منظوری بھی دے دی،وزیراعلیٰ مریم نوازشریف نے آئی ٹی حب کیلئے فوری اقدامات کا حکم دے دیا،وزیراعلیٰ مریم نوازشریف نے خصوصی اجلاس کی صدارت کرتے ہوئے لیپ ٹاپ سکیم کیلئے ضروری اقدامات کی ہدایت کی۔
اجلاس میں سینئر صوبائی وزیر مریم اورنگزیب،صوبائی وزیر تعلیم رانا سکندر حیات،چیف سیکرٹری زاہد اختر زمان،پرنسپل سیکرٹری ساجد ظفر ڈال اور سیکرٹری ہائر ایجوکیشن ڈاکٹر فرخ نوید شریک ہوئے۔