الیکشن عملہ جعلی واٹس ایپ کال اور میسجز سے ہوشیار رہے، الیکشن کمیشن

الیکشن کمیشن آف پاکستان نے ڈسٹرکٹ ریٹرننگ افسروں کو خبردار کیا ہے کہ چیف الیکشن کمشنر کے نام  سے جعلی وٹس ایپ کالزاور پیغامات سے ہوشیار رہیں۔

ترجمان الیکشن کمیشن نے کہا  کالزاور پیغامات کی تصدیق کے لئے  چیف الیکشن کمشنر کے سٹاف افسر سے لینڈ لائن پر رابطہ کریں۔

ترجمان نے کہا کہ ممبران الیکشن کمیشن یا کسی سینئر افسر کی ٹیلی فون کال یا میسج ملنے کی بھی تصدیق  کی جائے۔الیکشن کمیشن کے افسران اور عملہ بھی واٹس ایپ کالز کی تصدیق چیف الیکشن کمشنر کے سٹاف افسر سے لینڈ لائن پر کریں۔

ترجمان نے کہا کہ الیکشن کمیشن کا عملہ،ڈی آر او اور آر او بغیر تصدیق کسی کال یا میسج پر عمل نہ کریں۔