تاثر دیا جا رہا ہے کہ اسلام آباد ہائیکورٹ میں مداخلت ہو رہی ہے، اٹارنی جنرل

اٹارنی جنرل پاکستان منصور اعوان نے جسٹس بابر ستار کے خط پر ایک وضاحتی بیان میں کہا ہے کہ تاثر دیا جارہا ہے اسلام آباد ہائیکورٹ میں مداخلت ہورہی ہے،جج صاحب کے خط کی وجہ سے تاثر بن رہا ہے کہ عدلیہ میں مداخلت ہورہی ہے،چیف جسٹس آف پاکستان کو لکھے گئے خط کا غلط تاثر لیا گیا۔

اٹارنی جنرل نے کہا کہ تاثر ایسا دیا جارہا ہے کہ اسلام آباد ہائیکورٹ میں مداخلت ہورہی ہے،خط لکھنے کا مقصد کوئی مداخلت نہیں،اسلام آباد  ہائیکورٹ کے ایک جج کے خط کا متن سوشل میڈیا پر بھی آیا ہے، ایک جج کی جانب سے چیف جسٹس کو لکھے گئے خط کا مقصد انصاف کی فراہمی سے متعلق ہے۔

اٹارنی جنرل منصور اعوان نے کہا کہ ایسا تاثر دیا جارہا ہے کہ عدلیہ اور ایگزیکٹو میں تعلقات خراب ہیں،پاکستان کو 45 سال سے سکیورٹی مسائل کا سامنا ہے،ریاست کے کچھ حساس اور اہم معاملات ہوتے ہیں،حساس معلومات میں کمیونی کیشن ضروری ہوتی ہے۔