فائر وال پر سینیٹ کی قائمہ کمیٹی میں ان کیمرا بریفنگ ملتوی، انٹرنیٹ سروسز متاثر ہونے پر رپورٹ طلب

سینیٹ کی قائمہ کمیٹی نے ملک بھر میں انٹرنیٹ سروس متاثر ہونے پر سخت نوٹس لے لیا۔اراکین کمیٹی نے انٹرنیٹ سروسز کے متاثر ہونے پر شدید تحفظات کا اظہار کیا ہے۔ کمیٹی نے انٹرنیٹ، سوشل میڈیا ایپس سلو ہونے سے نقصانات کی رپورٹ طلب کرلی۔کمیٹی نے دو ہفتوں میں انٹرنیٹ اور سوشل میڈیا کا مسئلہ حل کرنے کی ہدایت کی ہے۔

قائمہ کمیٹی برائے انفارمیشن ٹیکنالوجی کے اجلاس میں انٹرنیٹ سروس متاثر ہونے پر شدید تشویش کا اظہار کرتے ہوئے سینیٹر افنان اللہ نے کہا کہ بہت سے ای کامرس کے فورمز چھوڑ کر جارہے ہیں۔

سینیٹر ہمایوں نے پی ٹی اے پر تنقید کرتے ہوئے کہا کہ آپ نے لوگوں کا روزگار تباہ کردیا ہے، پہلے ہی سرمایہ کاری نہیں اس طریقہ سے سارا کاروبار تباہ ہوجائے گا۔

سیکرٹری وزارت آئی ٹی نے کہا کہ یہ نیٹ ورکس پر مسئلہ ہے وائی فائی پر نہیں ہے۔ پی ٹی اے حکام نے دعویٰ کیا کہ ہمارے پاس انٹرنیٹ سروس سے متعلق کوئی شکایت ہی نہیں ملی۔

کمیٹی نے انٹرنیٹ، سوشل میڈیا ایپس سلو ہونے سے نقصانات کی رپورٹ طلب کرلی،کمیٹی نے دو ہفتوں میں انٹرنیٹ اور سوشل میڈیا کا مسئلہ حل کرنے کی ہدایت کی۔

فائر وال سے متعلق قائمہ کمیٹی کا ایجنڈا ملتوی کردیا گیا،فائر وال سے متعلق پی ٹی اے نے آج قائمہ کمیٹی میں تفصیلات پیش کرنا تھیں،فائر وال سے متعلق پی ٹی اے نے حکام کی عدم دستیابی کی وجہ سے ایجنڈا ملتوی کیا،فائر وال پر قائمہ کمیٹی نے ان کیمرا بریفنگ طلب کر رکھی تھی۔