24 گھنٹوں کے دوران پنجاب میں نمونیہ سے 12 بچے جاں بحق

سموگ اور خشک سردی کی وجہ سے نمونیہ کیسز میں اضافہ جاری ہے، گذشتہ چوبیس گھنٹوں میں پنجاب  میں نمونیہ کے  مزید 310 کیس رپورٹ  ہوئے۔

 لاہور میں گزشتہ چوبیس گھنٹوں میں 165  کیسز رپورٹ  ہوئے۔۔ لاہور میں مجموعی کیسز کی تعداد 1970 جبکہ پنجاب میں مجموعی طور پر9120 سے زائد کیسز رپورٹ ہوئے ہیں۔

گذشتہ چوبیس گھنٹوں میں پنجاب میں نمونیہ سے 12  بچے جاں بحق ہوئے، لاہور میں گزشتہ چوبیس گھنٹوں میں 3  بچے نمونیہ کی وجہ سے زندگی ہار گئے۔

نمونیہ سے جاں بحق بچوں کی مجموعی تعداد 226 تک پہنچ گئی ہے،لاہور کے ہسپتالوں میں نمونیہ ،چیسٹ انفیکشن اور وائرل انفیکشن کے سیکڑوں بچے زیر علاج ہیں۔چلڈرن ہسپتال میں 60 سے زائد بچے زیر علاج ہیں۔