پولنگ سے 2 دن پہلے بلاول بھٹو زرداری کی انتخابی اہلیت سپریم کورٹ میں چیلنج

بلاول بھٹو کی انتخابی اہلیت الیکشن سے دو روزقبل سپریم کورٹ میں چیلنج  کردی گئی۔

شاہ محمد زمان نے نامی شہری نے بلاول بھٹو کیخلاف سپریم کورٹ میں اپیل دائر کی ہے، درخواست میں  استدعا کی گئی کہ بلاول بھٹو پاکستان پیپلز پارٹی کے چیئرمین ہیں، جس کا انتخابی نشان تلوار ہے، بلاول بھٹو انتخابات میں پیپلز پارٹی پارلیمنٹیرنز کے ٹکٹ پر تیر کے نشان پر حصہ لے رہے ہیں۔

درخواست میں کہا گیا ہے کہ الیکشن ایکٹ کے تحت کوئی شخص بیک وقت دو جماعتوں کا ممبر نہیں رہ سکتا،سندھ ہائی کورٹ نے قانون کا درست جائزہ نہیں لیا،سندھ ہائی کورٹ کا فیصلہ کالعدم قرار دیتے ہوئے بلاول بھٹو کو تیر کے نشان پر الیکشن لڑنے سے روکا جائے۔