ملٹری کورٹس سے سزا پانے والے 20 افراد کو سزا میں رعایت، رہا کردیا گیا

ملٹری کورٹس سے سزا پانے والے 20 افراد کو سزائیں مکمل ہونے سے قبل رہا کردیا گیا۔

سپریم کورٹ کی ہدایت اور انسانی ہمدردی کی بنیاد پر آرمی چیف نے 20 افراد کی سزا معاف کردی،یہ افراد 9 سے 10 ماہ کی سزا کاٹ چکے ہیں ان کو 6 اور 7 اپریل کو رہا کیا گیا۔

رہا ہونیوالوں کا تعلق راولپنڈی ، لاہور، گوجرانوالہ ، دیر ، مردان سے ہے،رہا ہونیوالوں میں محمد ادریس، نادر خان، لال شاہ محمد فیصل، حسن شاکر، محمد انس ، عبدالجبار شامل ہیں۔

اس کے علاوہ شہر یار ذوالفقار، عبداللہ عزیز ، عبدالستار، راشد علی، عمر محمد کو بھی سزا معافی پر رہا کیا گیا۔

واضح رہے کہ پہلے دن 9 مئی کےواقعات میں ملوث 8 قیدیوں کو رہا کیا گیا تھا جس کے بعد رہائی پانے والے افراد کی تعداد 28 ہو گئی ہے۔