لاہور ایئرپورٹ پر آگ لگنے سے بیرون ملک جانے والی 6 پروازیں متاثر

لاہورائیرپورٹ پر لگنے والی آگ پر قابو پالیا گیا ،،آگ کے بعد کولنگ کا عمل شروع کردیا گیا۔ آگ لگنے کی وجہ سے چھ بیرون ملک جانے والی پروازیں متاثر ہوئیں۔سول ایوی ایشن کے مطابق آگ امیگریشن کاؤنٹرکی سیلنگ میں لگی تھی ۔آگ لگنےکی وجوہات جاننے کےلئےسول ایوی ایشن اتھارٹی کی  ٹیم بنا دی گئی۔

لاہور ائیرپورٹ پر آتشزدگی کے بعد ائیرپورٹ کی عمارت کو خالی کرالیا گیا۔ایئرپورٹ حکام  کی  ابتدائی تحقیقات کے مطابق آگ شارٹ سرکٹ کے باعث لگی۔آگ سے امیگریشن کاؤنٹر بری طرح متاثر ہوا۔اب ائیرپورٹ پر مینئول امیگریشن  جاری ہے ۔عازمین حج کی چیک ان شروع کر دی گئی۔عازمین حج کی چیک ان ڈومیسٹک لاونج سے شروع کی گئی ہے۔ڈومیسٹک ایریا کو حج آپریشن کے لئے مخصوص کیا گیا ہے۔پی آئی اے حج ٹیم عازمین حج کو ہر ممکن سہولتیں فراہم کر رہی ہے ۔سسٹم میں خرابی کے باعث لاہور سے اندرون و بیرون ملک آپریٹ ہونے والی پروازیں تاخیر کا شکار ہیں۔