پنجاب میں 24 گھنٹوں کے دوران ڈینگی کے 77 نئے کیسز کی تصدیق

پنجاب میں ڈینگی کے مریضوں کی تعداد میں اضافہ جاری ہے۔ گزشتہ 24 گھنٹے کے دوران صوبے بھر میں 77 نئے مریضوں میں ڈینگی کی تصدیق ہوئی۔

لاہور کے مختلف ہسپتالوں میں ڈینگی کے 55 سے زائد مریض زیر علاج ہیں۔

رواں سال صوبہ بھر میں ڈینگی کے 14 ہزار 335 تصدیق شدہ مریض رپورٹ ہوئے، لاہور میں ڈینگی 6541 کنفرم مریض رپورٹ ہو چکے،لاہور میں گزشتہ روز ڈینگی سے متاثرہ 47 نئے مریض سامنے آئے۔

پنجاب کے مختلف ہسپتالوں میں 101 مریض زیر علاج ہیں،کئی مریض نجی ہسپتالوں میں بھی زیر علاج ہیں۔

ہسپتالوں میں ڈینگی کے علاج کے حوالے سے کوئی خاطر خواہ اقدامات نہ اٹھائے جا سکے،ڈینگی ٹیسٹوں کے حوالے سے بھی سہولیات نہ ہونے کے برابر ہیں۔