جی 20 فنانشل بورڈ نے کرپٹو فرمز کے لیے سفارشات شائع کردیں، کوئی کرپٹو پلیئر ریگولیٹری پیرامیٹرز سے باہر آپریٹ نہ کرے، بورڈ کا انتباہ

دنیا کے 20 ترقی یافتہ ملکوں کے گروپ جی 20 کے فنانشل سٹیبلٹی بورڈ نے کہا ہے کہ عالمی سطح پر متفقہ قوانین نے کرپٹو فرمز کے پاس کوئی آپشن نہیں چھوڑا سوائے اس کے کہ وہ کرپٹو ایکسچینج پر بنیادی حفاظتی اقدامات متعارف کرائیں.

فنانشل سٹیبلٹی بورڈ نے جی 20 کی طرف سے درخواست پر کرپٹو اثاثوں میں تجارت کرنے والی فرمز کی نگرانی کے لیے سفارشات شائع کی ہیں، بورڈ نے ٹیرا یو ایس ڈی/ لونا کوائن کے خاتمے کی روشنی میں سٹیبل کوائن کے لیے بھی سفارشات پر نظرثانی کی ہے۔

ببورڈ نے اپنی سفارشات میں کہا کہ حالیہ واقعات نے ثابت کیا ہے کہ اگر کرپٹو سٹیبل کوائن کے روابط روایتی فنانس سے مزید گہرے ہوتے ہیں تو کرپٹو اثاثوں کی مارکیٹ کے اثرات وسیع مالیاتی نظام تک پھیل سکتے ہیں۔

کرپٹو سٹیبل کوائن مرکزی دھارے کے فنانس پر انحصار کرتے ہیں اس سے پہلے کہ یہ سیکٹر اتنا بڑا ہو جائے، مفادات کے تصادم سے بچنے کے لیے مضبوط گورننس، مناسب رسک مینجمنٹ پر توجہ دی جائے اور کمپنی کیش سے کسٹمر کی رقم کو الگ کیا جائے۔

بورڈ نے نوٹ کیا کہ نومبر 2022 میں ایف ٹی ایکس کے خاتمے نے کرپٹو فرمز کی کمزوریوں کو اجاگر کیا، اس لیے تمام ملک جو جی 20 کے رکن نہیں وہ بھی ان سفارشات پر عمل کریں۔ ایف ٹی ایکس بہاماس بیسڈ تھا جو جی 20 کا حصہ نہیں۔

فنانشل سٹیبلٹی بورڈ کے سیکرٹری جنرل جون سنڈلر نے کہا کہ کرپٹو اثاثوں کے پلیئرز کو ریگولیٹری پیرامیٹرز سے باہر آپریٹ کرنا یا موجود قوانین کی عدم تعمیل کا عمل بند کرنا ہوگا، اب کرپٹو پلیئرز یہ نہیں کہہ سکتے کہ ریگولیٹری وضاحت موجود نہیں کیونکہ ہمارا فریم ورک ان معیارات کو واضح کرتا ہے جن کا اطلاق ہونا چاہئے۔

کرپڑو سیکٹر میں پچھلے سال کی مندی کے بعد بٹ کوائن 13 ماہ کی بلنفد ترین سطح پر پہنچ گیا ہے، اس سیکٹر کو رپل لیب کی تاریخی قانونی فتح سے تقویت ملی، رپل لیب نے ریگولیٹرز کو چیلنج کیا تھا کہ امریکی سکیورٹیز قانون کے تحت ٹکنز کو کس حد تک آنا چاہئے۔

یورپی یونین نے پہلے ہی کرپٹوسیٹ مارکیٹوں کے لیے دنیا کے پہلے جامع اصولوں کی منظوری دے دی ہے، لیکن FSB کے ‘گلوبل بیس لائن’ کے کم از کم معیارات ایسے دائرہ اختیار کو ایڈجسٹ کرنے کے لیے بنائے گئے ہیں جو آگے بڑھنا چاہتے ہیں۔