پی آئی اے کے ہڑتال کرنے والے ملازمین کی فہرستیں مرتب کرنے کا حکم

قومی ائیرلائن کی نجکاری کے خلاف اور تنخواہوں میں اضافے کے لیے احتجاج کا پی آئی اے کے چیف ایگزیکٹیو آفیسر نے نوٹس لے لیا۔

سی ای او پی آئی اے کے دستخط سے حکم نامہ جاری ہوا،جس میں ایکشن کمیٹی کی جانب سے کیے جانے والے احتجاج میں شامل ملازمین کے مکمل کوائف جمع کرنے کے احکامات جاری کردئیے گئے۔

حکم نامے میں احتجاج میں شریک ملازمین کی مکمل رپورٹ اورمزید کارروائی کا حکم بھی دے دیا گیا ہے۔

ائیرلائن انتظامیہ کے تمام شعبہ جات کے سربراہوں کو رپورٹ 5دسمبر2023تک فراہم کرنے کی ہدایات جاری کردی گئی،حکم نامے کے مطابق پی آئی اے کی آوٹ سورسنگ کے خلاف ملازمین اپنی ڈیوٹیوں سے غائب ہوئے، پی آئی اے ملازمین نے ایئرلائن قوانین کے خلاف احتجاج کرکے ادارے کی ساکھ کو نقصان پہنچایا۔ ایکشن کمیٹی کی جانب سے کئے جانے والے احتجاج سے پی آئی اے کو مالی نقصان بھی ہوا۔

مکمل رپورٹ نا دینے والے شعبہ جات کے سربراہ اور جنرل منیجر کے خلاف کارروائی کی جائے گی، پی آئی اے ملازمین کی جانب سے آئندہ کسی احتجاج اورغیر قانونی سرگرمیوں کو کنٹرول کیا جائے۔