منشیات کے شبہ میں چھاپہ، کراچی بندرگاہ کے قریب کنٹینر سے ڈیڑھ ارب روپے کا نان کسٹم مال برآمد

اینٹی نارکوٹکس فورس نے کراچی بندرگاہ کے قریب بین الاقوامی کنٹینرٹرمینل پرکارروائی کے دوران ڈیڑھ ارب روپے سے زائد مالیت کا نان کسٹم اشیا برآمد کرلیں۔

ترجمان کے مطابق اے این ایف پورٹ کنٹرول یونٹ ٹیم نے کراچی کے انٹرنیشنل کنٹینرٹرمینل پرکارروائی کی،جس کے دوران جہازوں میں استعمال ہونے والا انجن آئل اوربھاری تعداد میں مہنگی الیکٹرانک اشیا اسمگل کرنے کی کوشش ناکام بنادی۔

درآمد ہونے اشیا کی مالیت ڈیڑھ ارب روپے سے زائد ہے،ترجمان کے مطابق منشیات اسمگلنگ کے شبہ میں انٹیلیجنس اطلاع پر اے این ایف کی ٹیم نے ایک کنٹینر کی تلاشی لی، تلاشی لینے پر کنٹینر میں موجود بھاری تعداد میں نان کسٹم اشیاء برآمد ہوئی، نان کسٹم سامان گھریلو اشیاء اور اجناس کی آڑ میں پاکستان اسمگل کی جا رہی تھیں۔

 کنٹینر سے لیپ ٹاپ، الیکٹرانک سگریٹ، گھڑیاں، ہارڈ ڈرائیوز، ٹیبلیٹز اور گٹکا پان مصالحہ، کنٹینر سے ساڑھے پانچ سو بوتلوں سے زائد جہازوں میں استعمال ہونے والا آئل اورکیمیکل بھی برآمد ہوا، مذکورہ کنٹینر نان کسٹم سامان سمیت مزید قانونی کارروائی کیلئے کسٹمزحکام کے حوالےکردیا گیا ہے۔