نگران وزیراعلیٰ نے مارکیٹس زبردستی بند کرانے کا نوٹس لے لیا

نگران وزیراعلی ٰ پنجاب محسن نقوی نے مارکیٹس اور دکانیں زبردستی بند کرانے کے واقعے  کا سخت نوٹس لیا ہے۔

وزیراعلیٰ محسن نقوی نے کہا کہ پنجاب حکومت کی جانب سے آج 10نومبر کو مارکیٹیں اور دکانیں بند کرانے کا کوئی حکم نامہ جاری نہیں کیا گیا۔ اسموگ کی وجہ سے صرف ہفتے کے روز کو دکانیں اور مارکیٹیں بندرکھنے کا فیصلہ کیا۔۔

محسن نقوی نے کہا کہ بارش اور حکومت پنجاب کے اقدامات کے باعث آج سموگ میں نمایاں کمی آئی ہے،میں ذاتی طور پر اور پنجاب حکومت کی جانب سے تعاون پر تاجربرادری کا شکریہ ادا کرتا ہوں۔

محسن نقوی نے کہا کہ سموگ سے نمٹنا ایک قومی ذمہ داری ہے اور ہم نے لاہور اور اپنے شہروں کو رہنے کے قابل بنانا ہے،اس ضمن میں حکومتی اقدامات کا ساتھ پورے معاشرے کو دینا ہو گا،تبھی ہم اس آفت سے نبرد آزما ہو سکیں گے۔