سول ایوی ایشن دو حصوں میں تقسیم، ایئرپورٹ اتھارٹی کے نام سے نیا محکمہ بنا دیا گیا

وفاقی حکومت نے سول ایوی ایشن کو 2 حصوں تقسیم کردیا،پاکستان ائیرپورٹس  اتھارٹی اور سول ایوی ایشن الگ محکمے بنادیے گئے۔

پاکستان ائیرپورٹس اتھارٹی اور سول ایوی ایشن اتھارٹی کے ایکٹ 2023 کو نافذ کردیا گیا۔دونوں محکموں کے سربراہ بھی الگ الگ ہونگے،ملکی تمام ہوائی اڈے  پاکستان ائیرپورٹ اتھارٹی(پی اے اے) کا حصہ ہونگے۔

لائسنسنگ،ائیروردی نیس، فلائٹ اسٹینڈرڈ،ائیر ٹرانسپورٹ سمیت دیگر شعبہ جات اب سول ایوی ایشن اتھارٹی میں ہونگے،سول ایوی ایشن اور پاکستان ائیرپورٹ اتھارٹی کے ایکٹس کو 10 نومبر سے نافذ کردیا گیا۔

عالمی سول ایوی ایشن آرگنائزیشن نے ایرپورٹ سروس اور ریگولیٹری کو  توڑ کر 2 نئے محکمے بنانے کی ہدایت کی تھی، وزارت ہوابازی نے پاکستان ائیرپورٹ اتھارٹی اور سول ایوی ایشن اتھارٹی کو الگ محکمے کرنے کا نوٹیفکیشن جاری کردیا۔

وزارت ہوابازی نے سی اے اے اور ائیرپورٹ اتھارٹی سے ملازمین کی تعداد، اثاثوں سمیت دیگر تفصیلات فوری فراہم کرنے کی ہدایات جاری کی ہیں،گذشتہ حکومت نے سول ایوی ایشن اتھارٹی اور ائیرپورٹ اتھارٹی کے دو الگ محکمے بنانے کے ایکٹس پارلیمنٹ سے منظور کیے تھے۔