پرویز الٰہی کی درخواست ضمانت پر پنجاب حکومت اور دیگر کو نوٹس جاری

لاہور ہائیکورٹ نے سابق وزیر اعلی پنجاب پرویز الٰہی کی درخواست  ضمانت پر پنجاب حکومت سمیت دیگر حکام کو نوٹس جاری  کر دیئے ہیں۔

لاہور ہائیکورٹ کے جسٹس شہرام سرور  نے سابق وزیر اعلی پرویز الٰہی کی درخواست ضمانت پر سماعت کی۔

عدالت نے آئندہ سماعت پر فریقین سے  جواب  بھی مانگ لیا۔ پرویز الہی نے پرنسپل سیکرٹری کے عہدے پر محمد خان بھٹی کے تقرر پر درج مقدمے میں ضمانت کیلئے لاہور ہائیکورٹ سے رجوع کیا ہے۔

سابق وزیر اعلی پنجاب کے وکیل عامر سعید راں نے دلائل دیئے اور نشاندہی کی کہ پرویز الہی پر پرنسپل سیکرٹری کے تقرر کا بے بنیاد مقدمہ بنایا گیا ہے اور اینٹی کرپشن لاہور نے سیاسی بنیادوں پر مقدمہ درج کیا۔

وکیل کے مطابق اُس وقت کےچیف سیکرٹری نے محمد خان بھٹی کو قانون کےمطابق پرنسپل سیکرٹری تعینات کیا۔ اس لیے  پرویز الہی کی درخواست ضمانت منظور کرکے رہائی کا حکم دیا جائے ۔