حکومت کل پاکستان سٹاک ایکسچینج میں سکوک بانڈز فروخت کے لیے پیش کرے گی

پاکستان سٹاک ایکسچینج میں کل جمعہ کو پہلی بار اسٹاک مارکیٹ میں اسلامی سکوک بانڈ کی نیلامی ہوگی۔

پاکستان سٹاک ایکسچینج کے نوٹس میں بتایا گیا کہ کل سےعوام اسٹاک مارکیٹ میں بروکرز کے ذریعے اجارہ اسلامی سکوک بانڈز خرید سکیں گے، اس سے پہلے سکوک بانڈز کی نیلامی بینکوں کے ذریعے مالیاتی اداروں اور بڑے انویسٹرز کو ہوتی تھی۔

حکومت  70 دن میں اجارہ سکوک بانڈز فروخت کی فروخت سے 90 ارب کا قرضہ لینے کا تخمینہ رکھتی ہے۔

ماہرین کا کہنا ہے کہ حکومت اجارہ سکوک بانڈز کے خریداروں کو 20 سے 22 فیصد منافع دے سکتی ہے۔

کل وزیراعظم اسٹاک مارکیٹ میں پہلے سکوک بانڈ کی ٹریڈنگ کا افتتاح کریں گے۔