میرے دونوں بازو فریز ہیں، پتے کی بیماری ہوگئی، علاج نہیں کرایا جا رہا، عمر سرفراز چیمہ

تحریک انصاف کے رہنما اور سابق گورنر پنجاب عمر سرفراز چیمہ نے کہا ہے کہ میرے دونوں بازو پانج ماہ  فریز ہیں، پانج ماہ پہلے عدالت نے چیک اپ کا حکم دیا مجھے پندرہ دن پہلے ڈاکٹر دیا گیا۔

سابق گورنر عمر سرفراز چیمہ نے آنسداد دہشت گردی عدالت میں پیشی کے موقع پر میڈیا سے بات کرتے ہوئے کہا کہ میرے بازو کا ایم آر آئی اورکروانے کیلئے عدالت نے حکم دے رکھا ہے لیکن ہوم ڈپارٹمنٹ نے ابھی تک عدالتی حکم پر عمل درامد نہیں کیا۔

انہوں نے کہا کہ جیل کا  ناقص کھانا کھا کر مجھے پتے کے بیماری لاحق ہوگئی ہے،میرے پتے کے آپریشن کا عدالت نے 6 ماہ پہلے حکم دیا تھا،ابھی تک میرے پتے کا اپریشن نہیں کروایا گیا۔

سابق گورنر نے کہا کہ مجھ سمیت پی ٹی آئی کارکنان کو سیاسی انتقام کا نشانہ بنایا جا رہا ہے۔