لکی مروت میں پولیس کی گاڑی پر دہشتگردوں کا حملہ، ڈی ایس پی اور محافظ شہید

لکی مروت میں منجیوالہ کے قریب پولیس کی گاڑی پر دہشت گردوں نے حملہ کردیا، حملے میں ڈی ایس پی گل محمد اور محافظ نسیم گل  شہید ہوگیا۔فائرنگ سے دو پولیس اہلکار زخمی بھی ہوئے۔

پولیس کے مطابق ڈی ایس پی گل محمد گشت پر تھے کہ انڈس ہائی وے کے قریب نشانہ بنایا گیا۔

حملے کے بعد پولیس کی بھاری نفری جائے وقوعہ پر پہنچی۔ لاشوں اور زخمیوں کو اسپتال منتقل کردیا، ملزمان کی تلاش جاری ہے۔

صوبے کے جنوبی اضلاع ٹانک، بنوں، لکھی مروت اور شمالی وزیرستان میں گزشتہ ایک ہفتے کے دوران پولیس پر پانچ مختلف حملے ہوئے ہیں، جن میں دو پولیس افسران، ایک انسپکٹر اور ایک سب انسپکٹر سمیت پانچ پولیس اہلکار شہید ہوئے ہیں۔