بلوچستان کابینہ میں وزرا اور مشیروں کو محکمے تفویض کر دیے گئے

بلوچستان کابینہ میں وزرا کو محکمے تفویض کر دیے گئے،وزیراعلیٰ سیکرٹریٹ کےجاری اعلامیہ کےمطابق میر ضیا لانگو وزارت داخلہ ،میر عاصم کرد گیلو ریونیو  کے وزیر ہوں گے۔

میر ظہور احمد بلیدی پی اینڈ ڈی ،شعیب نوشیروانی  خزانہ  کے وزیرہوں گے،سلیم کھوسو کمیونی کیشن اینڈ ورکس ، حاجی علی مدد جتک زراعت کے وزیر ہوں گے۔

میر صادق عمرانی ایریگیشن،عبدالرحمان کھیتران کو پی ایچ ای کا محکمہ دیا گیا،راحیلہ حمید درانی کوتعلیم ،سردار فیصل جمالی صحت ،نور محمد دمڑ کو خوراک  کا محکمہ دیا گیا ہے۔

سردار سرفراز ڈومکی لوکل گورنمنٹ ،بخت کاکڑ لائیو اسٹاک ڈیری ڈویلپمنٹ  کے وزیر ہوں گے۔

وزیر اعلیٰ بلوچستان کے مشیران کو بھی  محکمے تفویض کردئیے گئے،علی حسن زہری انڈسٹریز ،نسیم الرحمان ماحولیات  کے مشیر ہوں گے۔

بابا غلام رسول عمرانی لیبراور ڈاکٹر ربابہ خان  بلیدی  وومن ڈویلپمنٹ کی مشیر ہوں گی۔