میئر کراچی نے کراچی کے ٹریفک مسائل کے حل کے لیے وزیراعظم کو خط لکھ دیا

کراچی  میں  ٹریفک کے بڑھتے  مسائل کے حل کے لیے میئر کراچی بیرسٹر مرتضیٰ وہاب  نے وزیر اعظم پاکستان کو خط لکھ دیا۔ جس میں کہا گیا ہے کہ نمائشی چورنگی سے میونسپل پارک جامع کلاتھ مارکیٹ تک بہت بُری صورتحال ہے جس کی بنیادی وجہ گرین لائن منصوبے کا نامکمل ٹریک ہے۔ لیاری ایکسپری وے پر کراچی پورٹ سے ملک بھر میں جانے اور آنے والی گاڑیوں کو اجازت دی جائے۔

میئر کراچی مرتضیٰ وہاب نے لکھا کہ گرین لائن بس سروس منصوبہ سندھ انفراسٹرکچر کمپنی نے مکمل کرنا تھا۔ نمائشی چورنگی سے میونسپل پارک جامع کلاتھ مارکیٹ تک بہت بری صورتحال ہے۔

میئر کراچی مرتضیٰ وہاب نے لکھا کہ بری صورتحال اور ٹریفک کی روانی کا مسئلہ گرین لائن منصوبے کا نامکمل ٹریک ہے۔لاکھوں لوگوں کو ایم اے جناح روڈ سے روزانہ گزر ہوتا ہے جنہیں مشکلات کا سامنا ہے۔ لیاری ایکسپریس وے منصوبے پر ہیوی ٹریفک پر عائد پابندی کی وجہ سے بھی اندرون شہر مسائل ہیں۔

مرتضیٰ وہاب نے لکھا کہ لیاری ایکسپریس وے کے ماہرین نے بتایا کہ اس منصوبے پر ہیوی ٹریفک چل سکتی ہے۔لیاری ایکسپری وے پر کراچی پورٹ سے ملک بھر میں جانے اور آنے والی گاڑیوں کو اجازت دی جائے۔

میئر کراچی مرتضیٰ وہاب نے لکھا کہ وزیر اعظم صاحب ! آپ کی درلچسپی اور قائدانہ صاحتیوں نے لاہور کو تبدیل کیا۔کراچی میں ٹریفک کے مسائل بھی آپ کی توجہ کے منتظر ہیں۔