تازہ ترین
پی ٹی آئی کی مخصوص نسشستوں کا راستہ روکنے کے لیے حکومت الیکشن ایکٹ میں ترامیم لے آئی
الیکشن ترمیمی ایکٹ 2024 میں ترامیم کی تفصیلات سامنے آئی ہیں ، پہلی ترمیم میں کہا گیاہے کہ کسی سیاسی جماعت سے وابستگی کا اقرار نامہ تبدیل نہیں کیاجاسکتا،دوسری ترمیم کے مطابق جس پارٹی نے مخصوص نشستوں کی فہرست نہ دی ہو اسے مخصوص نشستیں نہیں دی جاسکتیں، ترمیمی ایکٹ کے مطابق یہ دونوں ترامیم منظوری کے بعد فوری طورپر نافذالعمل ہوں گی۔
الیکشن ایکٹ 2024 میں ترامیم پی ٹی آئی اور سنی اتحاد کونسل کے مخصوص نشستوں کے دعووں اور عدالتی فیصلے کے بعد کی جا رہی ہیں۔ سپریم کورٹ کے فل کورٹ میں اکثریتی فیصلے میں سنی اتحاد کونسل کے ارکان کو واپس پی ٹی آئی میں جانے اور پندرہ دن کے اندر پارٹی وابستگی کے سرٹیفکیٹ داخل کرنے کی ہدایت کی تھی۔
سپریم کورٹ کے فل کورٹ اکثریتی فیصلے میں پی ٹی آئی کو پارلیمانی جماعت قرار دیتے ہوئے مخصوص نشستیں ان کے ارکان کی تعداد کے اعتبار سے دینے کا حکم بھی صادر کیا تھا۔
پی ٹی آئی سپریم کورٹ کے فیصلے کی روشنی میں اپنے انتخابی نشان سے محروم ہوئی تھی اور اس کے ارکان نے مختلف انتخابی نشانات پر آزاد حیثیت سے الیکشن لڑا تھا، عدالتی فیصلے کے بعد انتخابی نشان چھن جانے کی وجہ سے پی ٹی آئی سیاسی جماعت کا سٹیٹس بھی کھو بیٹھی تھی اور الیکشن سے پہلے آئین کی شرط کے مطابق مخصوص نشستوں کے لیے فہرست جمع نہیں کرقاسکی تھی۔
سپریم کورٹ کے فل کورٹ اکثریتی فیصلے نے آزاد ارکان کو پی ٹی آئی کا رکن قرار دے کر اسے پارلیمانی حیثیت بخشی تھی، اگرچہ فل کورٹ کا فیصلہ مسلم لیگ ن، پیپلز پارٹی اور رکنیت سے محروم ہونے والے ارکان اسمبلی نے چیلنج کر رکھا ہے، حکومت اس فیصلے پر عمل روکنے کے لیے ترامیم لے آئی ہے۔
الیکشن ترمیمی ایکٹ 2024 میں پہلی ترمیم کے مطابق کسی سیاسی جماعت سے وابستگی کا اقرار نامہ تبدیل نہیں کیاجاسکتا۔ اس ترمیم کے ذریعے سنی اتحاد کونسل میں شامل ہو جانے والے ارکان کو پی ٹی آئی میں جانے سے روکنا حکومتی مقصد ہے۔
دوسری ترمیم کے مطابق جس پارٹی نے مخصوص نشستوں کی فہرست نہ دی ہو اسے مخصوص نشستیں نہیں دی جاسکتیں۔ اس ترمیم کا مقصد پی ٹی آئی کو مخصوص نشستیں دینے کے عدالتی فیصلے کو غیرمؤثر کرنا ہےْ
اسی لیے اس ترمیم میں یہ بھی شامل کیا گیا ہے کہ دونوں ترامیم منظوری کے بعد فوری طورپر نافذالعمل ہوں گی۔
الیکشن ایکٹ میں ترمیم کا بل قومی اسمبلی میں پیش کردیا گیا ہے اور ایوان کی منظوری سے بل قاٸمہ کمیٹی کے سپرد کردیا گیا ہے۔
-
کھیل11 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
کالم1 سال ago
اسلام میں عبادت کا تصور
-
ٹاپ سٹوریز4 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں