پشین دھماکہِ موٹرسائیکل کے اندر بم نصب کیا گیا تھا، وزیر داخلہ بلوچستان

نگران وزیر داخلہ بلوچستان  میر زبیر جمالی نے کہا ہے کہ پشین میں انتخابی دفتر کے باہر دھماکہ موٹرسائیکل میں نصب بم کی وجہ سے ہوا۔

میر زبیر جمالی کا کہنا ہے کہ پشین دھاکا  انتہائی افسوسناک ہے، جتنی مذمت کی جائے کم ہے،12 افراد  کی شہادت اور 30 زخمیوں کی اطلاعات  ہے،معلومات مل رہی ہیں کہ یہ بم موٹرسائیکل پر نصب تھا۔

میر زبیر جمالی نے کہا کہ بزدلانہ کارروائیوں سے دہشت گردی کیخلاف عزم متزلزل نہیں ہوگا،دشمن  پاکستان میں عدم استحکام پیدا کرنے کے درپے ہے،اتحاد اور اتفاق سےدشمن کی سازش کو ناکام بنائیں گے۔

نگران وزیر داخلہ میر  زبیر جمالی نے کہا کہ اس طرح کے حملے سے انتخابی عمل متاثر نہیں ہو ں گے،65 ہزار 521 سکیورٹی اہلکار تعینات کیے گئے ہیں،جو آج شام کو پوزیشنیں سنبھال لیں گے،5 ہزار 28 میں سے 1700پولنگ اسٹیشن  حساس ہیں۔

 نگران وزیر داخلہ بلوچستان نے کہا کہ ان واقعات سے ٹرن آوٹ کم کرنے کی کوشش کی جارہی ہے۔