پیپلز پارٹی کے قادر مندوخیل کے خلاف انتخابی عمل میں مداخلت کا مقدمہ درج

پیپلز پارٹی کے امیدوار قادرخان مندوخیل  کے  خلاف عام انتخابات کے دوران  توڑ پھوڑ اور بیلٹ باکس کو توڑنے اورسرکاری عمل میں مداخلت کرنے کے خلاف  مقدمہ درج  کر لیا گیا۔

مقدمہ پرزائیڈنگ آفیسر پرائمری ٹیچر حافظ کلیم اللہ کی مدعیت میں مدینہ کالونی تھانے میں درج کیا گیا ہے۔ پولنگ کے روز قادر مندوخیل نے  ایک پولنگ سٹیشن میں گھس کرتوڑ پھوڑ کی تھی۔

ایف آئی آر میں مدعی کی جانب سے کہا گیا کہ پولنگ کا وقت ختم ہونے کے بعد میں اور دیگر اسٹاف ووٹوں کی گنتی کر رہے تھے،سوا 3 بجے مشتعل ہجوم شور شرابہ کرتے ہوئے میرے کمرے میں داخل ہوئے،مشتعل افراد نے پولنگ میٹریل اور بیلٹ پیپر کے ڈبے پھیکنا شروع کر دیے،پولنگ بوتھ کو لاتے مار کر زمین پر گرا دیا۔

مدعی کا موقف ہے کہ  اسے سوشل میڈیا اور لوگوں سے پتہ چلا مشتعل ہجوم کی سربراہی نامزد امیدوار کر رہے تھے،ہجوم این اے 242 کے نامزد امیدوار قادر مدوخیل لے کر آئے تھے،قادر مدوخیل کے ساتھ 20 سے 25 نامعلوم افراد تھے،ووٹوں کی گنتی مکمل کرکے مشورے کے بعد رپورٹ درج کروانے آیا ہوں،قادر مدوخیل نے ساتھیوں کے ہمراہ سرکاری کام میں مداخلت کی دھمکیاں دیں،قادر مدوخیل اور انکے ساتھیوں کے خلاف کارروائی کی جائے۔