نوجوان
ایسا ملک جس کے نوجوان شادی ہی نہیں کرنا چاہتے
یہ کوئی ڈھکی چھپی بات نہیں ہے کہ جنوبی کوریا کے نوجوان تیزی سے شادی سے کنارہ کش ہو رہے ہیں، ملک کی تیزی سے گرتی شرح پیدائش اس کا واضح ثبوت ہے۔
لیکن ایک نئی حکومتی رپورٹ اس بات کی نشاندہی کرتی ہے کہ پچھلی دہائی کے دوران اس رجحان میں کس قدر تیزی آئی ہے، جو کہ آنے والے برسوں میں عمر رسیدہ قوم کے لیے پریشانی کی علامت ہے۔
یہ رپورٹ، جو ہر دو سال میں 19 سے 34 سال کی عمر کے شہریوں کا سروے کرتی ہے، پیر کو سرکاری ادارہ شماریات کی طرف جاری کی گئی۔
پچھلے سال سروے میں صرف 36.4 فیصد نے کہا تھا کہ وہ شادی کے بارے میں مثبت تاثر رکھتے ہیں – جو 2012 میں 56.5 فیصد سے کم ہے۔
یہ زوال نوجوان جنوبی کوریائی باشندوں پر بڑھتے ہوئے دباؤ کی عکاسی کرتا ہے، جس میں اقتصادی خدشات جیسے ناقابل برداشت رہائش اور زندگی کے بڑھتے ہوئے اخراجات شامل ہیں۔
رپورٹ میں نوجوانوں کی شادی نہ کرنے کی عام وجوہات میں شادی کے لیے کافی رقم کا نہ ہونا، اور یہ محسوس کرنا کہ شادی ضروری نہیں ہے۔
اور شادی کے بارے میں مثبت سوچ رکھنے والوں میں زیادہ تعداد مردوں کی ہے،صرف 28% خواتین نے شادی کے متعلق مثبت جواب دیا۔
اس کی مختلف وجوہات ہو سکتی ہیں۔ متعدد جنوبی کوریائی خواتین نے 2019 میں سی این این کو بتایا کہ جب ڈیٹنگ کی بات آتی ہے تو انہیں اپنی حفاظت کے متعلق خدشات لاحق ہوتے ہیں، جو جنسی جرائم، صنفی امتیاز کے بارے میں ہائی پروفائل خبروں کی وجہ سے بڑھ جاتے ہیں۔
اس کا مطلب ہے کہ بہت سی پڑھی لکھی خواتین مستقل ملازمتوں کے ساتھ شادی اور ماں بننے کے ارادوں کو ملتوی کر رہی ہیں۔ یہاں تک کہ ایک لفظ ہے، “بیہون،” جو ان خواتین کے لیے اشارہ کرتا ہے جو شادی کو ترک کرنے کا انتخاب کرتی ہیں۔
شماریات کی رپورٹ میں بتایا گیا ہے کہ بچے کی پیدائش کے بارے میں رویہ بھی اسی طرح مسترد کر دینے والا ہے۔ پچھلے سال کیے گئے سروے میں سے آدھے سے زیادہ نے کہا کہ شادی کے بعد بھی انہوں نے بچہ پیدا کرنے کی ضرورت محسوس نہیں کی – یہ شرح 2018 سے مسلسل بڑھ رہی ہے۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی