پاکستان
پاک بحریہ اور اینٹی نارکوٹکس کا مشترکہ آپریشن، 235 ملین ڈالرز کی منشیات پکڑی گئی
پاک بحریہ اور اینٹی نارکوٹکس فورس نے بحیرہ عرب میں مشترکہ آپریشن کے دوران 782 کلوگرام منشیات ضبط کرلی۔
ترجمان پاک بحریہ کے مطابق انسداد منشیات آپریشن انٹیلیجنس کی معلومات کی بنیاد پر کیا گیا،اس آپریشن کے دوران 782 کلو منشیات ضبط کی گئی۔
ضبط کی جانے والی منشیات کی قیمت عالمی مارکیٹ میں 235 ملین ڈالر ہے،ضبط کی جانے والی منشیات کو مزید قانونی کارروائی کیلئے اینٹی نارکاٹکس فورس کے سپرد کر دیا گیا۔
پاک بحریہ دیگر متعلقہ اداروں کے ساتھ ملکر ملکی سمندری حدود میں غیر قانونی سرگرمیوں کی روک تھام کیلئے ہمہ وقت تیار ہے۔