کراچی ایئرپورٹ پر مسافروں کو ناقص کھانا پیش کرنے والا لاؤنج ایک لاکھ جرمانے کے بعد کھول دیا گیا

وفاقی ادارے بارڈرہیلتھ سروسزنےکراچی ائیرپورٹ پرنجی کمپنی کے سیل لاونج کو ایک لاکھ روپے جرمانہ ادائیگی کے بعد دوبارہ کھول دیا۔

ذرائع کے مطابق بارڈرہیلتھ سروسز نے کراچی کے جناح ٹرمینل ائیرپورت پرگذشتہ دنوں نجی کمپنی کے لاؤنج کو کھانے میں سنڈی،کیڑا نکلنے پرسیل کیا تھا،اس دوران لاونج کے ڈائننگ ایریا سے تمام غیرصحت بخش اورگلاسڑاکھانا تحویل میں لیاگیا تھا۔

بین الاقوامی مسافروں کے مختصرقیام کے لیے موجود نجی لاونج پرایک لاکھ روپے جرمانہ عائد کیا گیا ہے، کراچی ائیرپورٹ پرقائم شاپس پراب تک عائد کیا جانے والاسب سے بڑاجرمانہ ہے، اس سے قبل ایک مٹھائی کی شاپ کو 50ہزارروپے جرمانہ کیا جاچکا ہے۔

کراچی ائیرپورٹ پرغیرمعیاری اشیا فروخت کرنے کے سبب اب تک تین کارروائیاں کی جاچکی ہے۔

وفاقی ادارہ بارڈرہیلتھ سروسز ہوائی اڈوں،سمندری راستوں اورزمینی داخلی خارجی راستوں پرقوانین کی عملداری کی ذمہ دارہے۔

ذرائع کے مطابق جمعے کوبارڈرہیلتھ سروسز اورسول ایوی ایشن حکام کے درمیان اہم میٹنگ ہورہی ہے، میٹنگ میں کراچی ائیر پورٹ پرقائم شاپس پرغیرمعیاری کھانے کی فروخت سمیت دیگرامورپرگفتگوکی جائےگی۔