پاکستان
پنجاب کے سکولوں میں سکریننگ کر کے طلبہ کو نظر کی عینک اور ہیرنگ ایڈ دینے کا منصوبہ
![](https://urduchronicle.com/wp-content/uploads/2024/03/cm-maryam.jpg)
وزیراعلی مریم نوازشریف نے 7لاکھ طلبہ کو عینک اور ہیرنگ ایڈ فراہم کرنے کے پراجیکٹ کی منظوری دے دی ،پنجاب کے سکولوں میں طلبہ کی سکریننگ کر کے نظر اور قوت سماعت چیک کی جائے گی، کمزور قوت بصارت اور قوت سماعت والے طلبہ کو چشمے او رہیرنگ ایڈ دی جائیں گی۔ پنجاب کے سرکاری اور نجی سکولو ں میں سکریننگ کا عمل جلد شروع کیاجائے گا۔
معروف ادارہ اے ٹی اسکیل (ATscale) 500ملین کی مالی معاونت کرے گا، وزیراعلیٰ پنجاب مریم نواز شریف سے معروف ادارے اے ٹی اسکیل (ATscale) کے وفد نے ملاقات کی، سکولوں میں انٹرنیٹ سروسز او ردیگر امور پر بھی تبادلہ خیال کیا گیا،سکولوں کے بچوں میں غذائی ضروریات پوری کرنے کے لئے اقدامات پر غور کیا گیا۔
ملاقات کے دوران ہیلتھ نیو ٹریشن ا ور دیگر اقدامات کے جائزہ کے لیے متعلقہ ڈیپارٹمنٹ کے اشتراک کار کی ضرورت پر زور دیا گیا،سکولوں کے اساتذہ کی استعداد کار میں اضافے کے لئے اقدامات پر اتفاق کیا گیا،
مریم نواز نے کہا کہ پنجاب میں آٹزیم کے شکار بچوں کے لئے پہلا سرکاری سکول لاہور میں قائم کیاجائے گا،عوام کی خدمت کے لئے روایتی طریقے سے ہٹ کر کام کرناچاہتی ہوں،نئے دور میں نئی سوچ سے ہی مثبت تبدیلی ممکن ہے۔
مریم نوازشریف نے کہا کہ عالمی معیار کے مطابق تعلیم حاصل کرنا ہر بچے کا حق ہے،طلبہ کی غذائی ضروریات پوری کرنے کے لئے نجی اشتراک سے پیکٹ ملک پراجیکٹ شرو ع کیا جارہا ہے، لاہور میں مفت ایمرجنسی وائی فائی کی سہولت دوبارہ شروع کر دی ہے۔
اے ٹی سکیل وفد کے قفد نے وزیراعلی مریم نوازشریف کے عوامی خدمت کے ویژن کی تعریف کی،ملاقات کے دوران سینیٹر پرویز رشید، سینئر وزیر مریم اورنگزیب، صوبائی وزیر تعلیم رانا سکندر حیات، ایم پی اے نوشین عدنان اور دیگر بھی موجود تھے
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
ٹاپ سٹوریز1 سال ago
ابن خلدون، عمرانیات سمیت کئی علوم کا بانی، اصلی ’فادر آف اکنامکس‘