چھ ججز کے خط پر اسلام آباد ہائیکورٹ کا ڈھائی گھنٹے طویل فل کورٹ اجلاس

عدلیہ کے معاملات میں ایگزیکٹو کی مداخلت کے حوالے سے چھ ججز کے خط پر اسلام اباد ہائیکورٹ میں فل کورٹ اجلاس کا انعقاد کیا گیا۔

اسلام اباد ہائیکورٹ کے چیف جسٹس عامر فاروق کی سربراہی میں فل کورٹ اجلاس میں سینئر پیونے جج جسٹس محسن اختر کیانی، جسٹس میاں گل حسن اورنگزیب، جسٹس طارق محمود جہانگیری، جسٹس بابر ستار، جسٹس سردار اعجاز اسحاق خان، جسٹس ارباب محمد طاہر اور جسٹس سمن رفت امتیاز نے شرکت کی۔

سپریم کورٹ کے احکامات کی روشنی میں اسلام آباد ہائیکورٹ کے ججز نے پہلے ہی اپنی تجاویز جمع کرا دی تھیں۔ اسلام آباد ہائیکورٹ کا فل کورٹ اجلاس تقریبا ڈھائی گھنٹے جاری رہنے کے بعد اختتام پذیر ہوگیا۔

اسلام آباد ہائیکورٹ کے چھ ججز کی جانب سے سپریم جوڈیشل کونسل کو ایگزیکٹو کے عدلیہ کے معاملات میں مداخلت کے حوالے سے خط لکھا گیا تھا۔

اسلام آباد ہائیکورٹ کے چیف جسٹس عامر فاروق اور جسٹس میاں گل حسن اورنگزیب کے علاوہ باقی تمام چھ ججز نے خط پر دستخط کیے تھے۔