آج رات 12 بجے کے بعد کوئی امیدوار جلسہ، جلوس، کارنر میٹنگ نہیں کرے گا، الیکشن کمیشن

الیکشن کمیشن آ ف پاکستان نے عام انتخابات  2024 میں حصہ لینے والے  تمام امیدواران  اور سیاسی جماعتوں  کو مطلع  کیا ہے کہ  الیکشنز ایکٹ 2017  کی سیکشن 182  کے  مطابق آج 6فروری کی   شب 12 بجے  کے بعد کوئی بھی شخص  کسی بھی جلسے  ، جلوس ، کارنر میٹنگ  یا اس نوعیت  کی سیاسی  سرگرمی کانہ   توا نعقاد  کرے گا اور نہ ہی  اس میں شرکت کرے  گا۔

الیکشن کمیشن آف پاکستان کے اعلامیہ میں کہا گیا کہ کوئی بھی شخص  جو قانون  کی مذکورہ  بالا شق  کی خلاف ورزی  کرے گااس  کے خلاف  قانونی کارروائی  عمل میں لائی جائے گی۔ مذکورہ بالا  وقت کے بعد  الیکشن  کمپین، اشتہارات  ودیگر تحریری  مواد کی  الیکٹرانک  اور پرنٹ میڈیا  پر تشہر   پر پابندی  ہے جس سے کسی  خاص  سیاسی پارٹی  یا امیدوار  کی حمایت  یا مخالفت   کا شبہ ہو۔

الیکشن کمیشن کا کہنا ہے کہ اسکے علاوہ  انتخابی عمل  کے انعقاد تک میڈیا  پر ہر قسم  کے پول سروے  (Poll Survey)پر بھی پابندی  ہوگی ۔  میڈیا پولنگ کے اختتام  کے ایک گھنٹہ گزرنے   کے بعد پولنگ  رزلٹ  کی نشریات  شروع کر سکتا  ہے۔

ترجمان الیکشن  کمیشن کا کہنا  ہے کہ   جس میں یہ واضح   طور پر بتایا جائے گا  کہ یہ رزلٹ  غیر حتمی  و غیر سرکاری  ہیں۔ریٹرننگ آفیسرز پولنگ اسٹیشنوں کا (Progressive Result) اور مکمل غیر حتمی  رزلٹ جاری کریں گے ۔ الیکٹرانک  و پرنٹ میڈیا  کوڈ آف  کنڈکٹ  پر سختی  سے عمل  کرے گا اور خلاف ورزی  پر پیمرا  اور پی ٹی اے کو  قانونی کاروائی  کرنے کی  ہدایات   جاری کرد ی گئی  ہیں ۔