26 روز احتجاج اور دھرنے کے بعد پی آئی اے ملازمین کی تنخواہیں بڑھا دی گئیں

پی آئی اے ملازمین نے 26روزتک جاری رہنے والا احتجاج اور دھرناختم کردیا۔

پیپلزیونٹی آف پی آئی اے کے مرکزی صدرہدایت اللہ خان کے مطابق ملازمین کی سیلری بڑھاؤ تحریک رنگ لے آئی،پی آئی اے انتظامیہ کی جانب سے آفیشل میل کے بعدگروپ 1سے 4 کی تنخواہ میں 20فیصد اضافے کی منظوری دے دی گئی اوراس حوالے سے ایم اویو سائن ہوگیا۔

پی آئی اے انتظامیہ سے اورسی بی اے کے درمیان ہونے والی مذاکراتی کمیٹی کی ملاقات میں چئیرمین پی آئی اے بورڈ اسلم آرخان،سیکریٹری ایوی ایشن سیف انجم،پی آئی اے کے سی ای اوعامرحیات،بورڈ ممبرخالد،اطہرحسین،ڈائریکٹرویجلنس اینڈ سیکورٹی خرم مشتاق جبکہ پیپلزیونٹی سی بی اے کی جانب سےہدایت اللہ خان،صدراسلام آباد رمضان لغاری اورجنرل سیکریٹری اسلام آباد سہیل مختارشامل تھے۔

پورے پاکستان میں 26 روز تک جاری رہنے والا احتجاج آج سے ختم کردیا گیا۔