شانگلہ میں خودکش حملے کے بعد چینی انجینئرز نے داسو اور بھاشا ڈیم پر کام روک دیا

خیبر پختونخوا کے ضلع شانگلہ میں خودکش حملے میں 5 چینی شہریوں کی ہلاکت کے بعد چینی انجینئرز نے داسو اور دیامر بھاشا ڈیم منصوبوں میں کام روک دیا،دونوں منصوبوں پر کام کرنے والے 11ہزار سے زائد مقامی ورکرز کو بھی چھٹیاں دے دی گئیں۔

مقامی انتظامیہ کے مطابق داسو ڈیم میں 750جبکہ دیامر بھاشا ڈیم میں 500چینی انجینئرز کام کررہے ہیں،  انجینئرز نے شانگلہ دھماکے کے بعد دونوں منصوبو ں پر کام روک دیا ہے۔

چینی انجینئرز کی جانب سے کام روکنے باعث دونوں منصوبوں پر کام کرنے والے ساڑھے گیارہ ہزار سے زائد مقامی ورکرز کو بھی چھٹیا دیدی گئی ہیں۔

انتظامیہ کے مطابق شانگلہ واقعے کے باجود مہمند ڈیم کے چینی انجینئرز تاحال سائٹ پر کام کر رہے ہیں،انتظامیہ کے مطابق چینی انجینئرز کے کیمپوں میں سکیورٹی بڑھا دی گئی ہے اور ان کی نقل و حمل محدود کرنے کا بھی فیصلہ کیا گیا ہے ۔