رات 4 بجے ملتان ایئرپورٹ پر ہنگامی اتاری گئی ایئر سیال کے مسافر خوار، شام 4 بجے روانگی کا وقت دے دیا گیا

کراچی سے اسلام جانے والی نجی ملکی ائیرلائن ائیر سیال کی ملتان اتاری جانے والی پرواز تاحال روانہ نہ ہوسکی۔

ذرائع کے مطابق کراچی سے اسلام آباد جانے والے مسافر  رات 4 بجے سے ملتان ائیرپورٹ پر روانگی کے منتظر ہیں،پرواز کو ناگزیر وجوہات کی بناء پر ملتان ائیرپورٹ پر اتاراگیا،ملتان ائیرپورٹ پر نجی ائیرلائن  کی انتظامیہ غائب ہے،پرواز کے ذریعے  فیملیز بچے اور خواتین بھی سفرکررہے ہیں۔

مسافروں نے ملتان ائیرپورٹ پر ائیرسیال انتظامیہ کے خلاف احتجاج بھی کیا،ملتان ائیرپورٹ انتظامیہ کے مطابق پرواز خراب موسم کے باعث ملتان ائیرپورٹ پر اتاری گئی،ائیرلائن انتظامیہ کی جانب سے پرواز کی روانگی کا متوقع وقت آج شام 4 بجے بتایا گیا ہے۔